a digital library of Latin literature
   
CSL Home



Keyword Search
  
     advanced search

Browse by:
          Author
          Title
          Genre
          Date

Full Corpus:
   All available texts
      (single page)



Help
Secondary Texts

What's New
Copyright
Credits
Contact Us

Gaius Cornelius Gallus
Elegiae sive Amores1
ed. David Camden (2004)



1
Vib. Seq. 77 (p. 14 Gelsomino) Hypanis Scythiae, qui, ut ait Gallus,

          uno tellures dividit amne duas.

Asiam enim ab Europa separat.


2
Pap. Qasr. Ibrim inv. 78-3-11/1 (LI / 2)

                    tristia nequit[ia     . . .]a, Lycori, tua.

          Fata mihi, Caesar, tum erunt mea dulcia, quom tu
                    maxima Romanae pars eris historiae,
          postque tuum reditum multorum templa deorum
                    fixa legam spolieis deivitiora tueis.                           5

                    ]. . . . . tandem fecerunt c[ar]mina Musae
                    quae possem domina deicere digna mea.
                              ]. atur idem tibi, non ego, Visce,
                                 ]. . . . . . . . l . Kato, iudice te vereor.
2
         3 erit pap.

3*
Verg. Buc. 10.42-63 (ed. Greenough, 1900):

          Hic gelidi fontes, hic mollia prata, Lycori;
hic nemus; hic ipso tecum consumerer aevo.
Nunc insanus amor duri me Martis in armis
tela inter media atque adversos detinet hostis.          45
Tu procul a patria (nec sit mihi credere tantum)
Alpinas, a, dura, nives et frigora Rheni
me sine sola vides. A, te ne frigora laedant!
a, tibi ne teneras glacies secet aspera plantas!
Ibo et Chalcidico quae sunt mihi condita versu          50
carmina pastoris Siculi modulabor avena.
Certum est in silvis inter spelaea ferarum
malle pati tenerisque meos incidere Amores
arboribus: crescent illae, crescetis, Amores.
Interea mixtis lustrabo Maenala Nymphis,          55
aut acris venabor apros; non me ulla vetabunt
frigora Parthenios canibus circumdare saltus.
Iam mihi per rupes videor lucosque sonantis
ire; libet Partho torquere Cydonia cornu
spicula; tamquam haec sit nostri medicina furoris,          60
aut deus ille malis hominum mitescere discat!
Iam neque Hamadryades rursus nec carmina nobis
ipsa placent; ipsae rursus concedite, silvae.

Serv. Verg. ecl. 10.46 (124 Th): hi autem omnes versus Galli sunt de ipsius translati carminibus.




1 As suggested by Serv. Verg. ecl. 10.1 (118 Th): amorum suorum de Cytheride scripsit libros quattuor

2 Some divide the papyrus fragment into three separate epigrams (1, 2-5, 6-9).

FORUM ROMANUM