Hadriani
Carmina

English

This text comes from an unknown edition.

I
Ego nolo Florus esse,
ambulare per tabernas,
latitare per popinas,
culices pati rotundos.

II
Lascivus versu, mente pudicus eras.

III
Animula vagula blandula,
hospes comesque corporis,
quae nunc abibis in loca,
pallidula, rigida, nudula,
nec ut soles dabis iocos.

IV
Borysthenes Alanus,
Caesareus veredus,
per aequor et paludes
et tumulos Etruscos
volare qui solebat,
Pannonicos nec ullus
apros eum insequentem
dente aper albicanti
ausus fuit nocere:
sparsit ab ore caudam
vel extimam saliva,
ut solet evenire.
Sed integer iuventa
inviolatus artus
die sua peremptus
hic situs est in agro.

FORUM ROMANUM